A directiva do COAFGA volveu a iniciar este ano a rolda de reunións cos colexiados de todas as provincias. Xa se celebraron en Ferrol ( o 28 de febreiro);  en Lugo ( o 14 de marzo)  e na Coruña, o pasado 21 de marzo.

O propósito destes encontros é coñecer as necesidades das comunidades de propietarios neses territorios e propor posibles solucións, ademais de presentar a folla de ruta para os próximos meses orientada a pór en valor a profesión e animar aos profesionais que exercen fóra da corporación galega a que se integren nela.

Zonas tensionadas, Vivendas de Uso Turístico (VUT), ocupación ilegal, conversión en vivenda de baixos comerciais, fondos Next Generation… son só algúns dos desafíos aos que se terán que enfrontar os AF durante os próximos meses e para iso están a desenvolver unha estratexia sólida e sustentable centrada nos cidadáns.

O obxectivo último é alcanzar a excelencia no servizo prestado ás comunidades de propietarios, administrándoas de forma xusta, eficiente e con respecto ao código deontolóxico profesional.