DETECTORES DE FUME. PAUTAS PARA A XESTIÓN DA CAMPAÑA

Os Administradores de Fincas colexiados no COAFGA, publicitan a dispoñibilidade dos detectores de fume entre as comunidades de propietarios, que sexan clientes. Deberán solicitar os detectores ao COAFGA (segundo formulario que se adxunta) indicando a localidade e rúa desta na que se vai a entregar. Nada máis, sen nomes de beneficiarios, nin máis datos: localidade e nome da rúa de cada un dos detectores que reciba. O COAFGA facilitará a listaxe de detectores entregados a APTB cando esgotase todos os dispoñibles e a Fundación Mapfre enviará outra partida sempre e cando cumpramos estas condicións. Só se entregarán a persoas ou familias en grupos de risco. Isto é, e por esta orde preferiblemente:

1. Persoas maiores de 65 anos que viven soas.
2. Parellas de persoas maiores de 65 anos se un deles, ou ambos, ten algún tipo de discapacidade ou problemas de mobilidade.
3. Familias con persoas maiores ao seu cargo con algún tipo de discapacidade.
4. Familias con menores ao seu cargo con algún tipo de discapacidade.

A instalación debe correr a cargo das persoas que reciben o detector, ben eles ou os seus familiares. O Administrador de Fincas valorará a oportunidade de contratar a alguén ou pedir a algún veciño. Pódense instalar cun taco e parafuso, ou con cinta adhesiva de dobre cara. O ideal é instalalo no corredor ou hall de acceso aos dormitorios, ou nunha zona de distribución das habitacións e o salón. Nunca no interior da cociña. Trátase de aparellos cunha batería de 10 anos de duración. Non requiren mantemento, pero si coidados de limpeza, non pintalos, non golpealos… Basta con seguir o manual de instrucións do detector. Entregarase un detector por vivenda, salvo que, polo tamaño da mesma ou as características da familia receptora, o Administrador de Fincas estime que son necesarios máis.