Teresa Suárez Agrasar é desde o pasado venres 19 de xaneiro a nova presidenta do Colexio Oficial de Administradores de Inmobles de Galicia (COAFGA). A coruñesa accede ao cargo tras o cesamento por motivos familiares de Martín Bermúdez da Ponte, que foi máximo responsable da corporación durante case 20 anos.

A pontevedresa Celeste Neto García, colexiada en Poio, asumirá a vicepresidencia primeira da corporación, tras o nomeamento de Teresa Suárez.

Así as cousas, a xunta de goberno do COAFGA queda constituída da seguinte maneira:

Teresa Suárez, (presidenta), Celeste Neto García (Vicepresidenta primeira) Antonio Maigler Roupa (vicepresidente segundo) Félix Galocha López (vicepresidente terceiro), Jesús Igrexas Casas (secretario) Teresa Ferreiro (tesoureira) e Carmen Zaldívar Toriñán (contadora).

O equipo de goberno complétase con Carmen Peleteiro (vogal 1º), José Fernández González (vogal 2º) Ana Dores Prego (vogal 4º), Juan Medina (vogal 5º) e Teresa Teijeiro (vogal 6º). Queda vacante a vocalía terceira.

Todos os cargos da nova directiva son administradores de leiras colexiados de recoñecido prestixio e longa traxectoria profesional que asumen este novo mandato con gran ilusión e coa promesa de seguir pondo en valor a imaxe dun colectivo que suma máis de 600 profesionais en Galicia

O obxectivo último deste novo equipo é alcanzar a excelencia no servizo prestado ás comunidades de propietarios, administrándoas de forma xusta,  eficiente e con respecto ao código deontolóxico profesional.