A presidenta do Colexio Oficial de Administradores de Inmobles de Galicia, Teresa Suárez Agrasar, o director da Fundación Mapfre, Xullo Domingo Souto, e o presidente da Asociación Profesional de Técnicos de Bombeiros (APTB) Carlos García Touriñán, asinaron esta mañá un convenio de colaboración destinado a promover a prevención de incendios nos edificios de vivendas, da man dos Administradores de Leiras de Galicia.

Tras a rúbrica do acordo, na que estivo presente a delegada territorial da Xunta de Galicia, Belén do Campo, o tres entidades pediron que a colocación de detectores de fume sexa obrigatoria nos edificios co fin de poder salvar vidas nos incendios nocturnos, “causantes do maior número de falecementos”, en palabras do Gabriel Muñoz Simal, director xerente de APTB, un dos relatores da Xornada que se desenvolveu con posterioridade á firma.

O director xerente da Asociación Profesional de Técnicos de Bombeiros alertou de “Unha tendencia á alza de vítimas mortais por incendios en España, alcanzado a cifra de 235 en 2022,  das cales 176 foron en vivendas”.

“En 2023 imos subir dos 200 falecementos, á alza pola entrada de novos elementos: sobrecarga ladróns: 9 aparellos conectados a un ladrón de 2 enchufes… patinetes eléctricos, móbil, computador portátil.. eses novos elementos están a provocar un incremento dos incendios”, agregou.

Gabriel Muñoz tamén alertou de que “nos 2 últimos anos houbo máis mortes en horario nocturno : aparellos eléctricos pola noite que se deixan conectados. non nos decatamos e temos poucas posibilidades de saír vivos”. Tamén lembrou que o maior número de vítimas mortais atópase en persoas de máis de 65 anos.

Importante lembrar que as persoas non falecen por queimaduras, senón por inhalación de fume (un 67%)  e desta porcentaxe faino na escaleira, polo que advertiu de que se o lume áchase nas plantas inferiores non se pode saír de casa. “Tardamos 3 minutos en morrernos por inhalación de fume”, advertiu, lembrando que a maior parte das mortes débense a incendios orixinados en primeiro lugar no salón e despois no dormitorio.

Edificios que soportan 80KW cando están deseñados para 40 KW

Pola súa banda, Rafael González Méndez, responsable da Asociación Provincial de Electricistas da Coruña  (Asinec) advertiu da necesidade de realizar mantementos anuais por técnicos cualificados en zonas comúns, lembrando que hai instalacións potencialmente perigosas e denunciou o intrusismo profesional que supón un risco evidente.

Tamén fixo fincapé na sobrecarga eléctrica que están a soportar as instalacións comúns, sobre todo a  caixa xeral de protección. “A maior parte dos problemas veñen dados porque estamos nun proceso de electrificación masiva. Edificios pensados para 40 kW están a soportar 80 kw”, agregou.

A electrificación dos vehículos tamén eleva o risco de incendios posto que hai instalacións que non poden soportar tanta demanda eléctrica.

Rafael González lembrou a importancia de que a comunidade de propietarios conte sempre cun certificado da instalación e avogou pola colocación de detectores de fumes tamén en zonas comúns do edificio para alertar dos incendios.

Apartado aparte foi o das telecomunicacións que en moitos casos non son obxecto dos  controis necesarios: “Cando se fai unha obra de rehabilitación hai que facer as telecomunicacións de arriba abaixo”, agregou.

Fachadas ventiladas

A arquitecta coruñesa Clara González Gil explicou varios casos de propagación de incendios en edificios  a través das cámaras ventiladas, que poden producir efecto cheminea, ou mediante revestimentos combustibles.

Expuxo a importancia de eliminar materiais e elementos que poidan propagar o lume e lembrou que a normativa está orientada á prevención e a orientar a propagación e fixo especial mención ao Código Técnico da Edificación cuxas medidas buscan reducir a límites aceptables o risco de incendio e que os veciños sufran danos, ofrecendo pautas para a evacuación.

Para máis información sobre este convenio e as actividades a desenvolver, podes contactar co Gabinete de Prensa do COAFGA.

Repartición de material

A campaña de sensibilización que se realizará nas vivendas administradas polos colexiados adscritos ao Coafga constará de repartición de material informativo e promocional, difusión de claves e métodos de prevención e repartición de detectores de fume entre as familias vulnerables.