O Colexio de Administradores de Inmobles de Galicia acaba de asinar un convenio de colaboración coa empresa Zulux para pór a disposición dos seus colexiados e as comunidades administradas por eles, un produto de importe garantido mensual eléctrico.

O acordo foi subscrito o pasado 9 de decembro na sede do Coafga na Coruña entre a presidenta da corporación, Teresa Suárez Agrasar, e Laureano Pérez Andújar, responsable de Zúlux.

Zulux, empresa especializada en mellora da eficiencia enerxética, ofrece un servizo de consultoría orientado a fomentar o aforro nas comunidades, a través de estudos de amortización, revisión de facturas sospeitosas, comparativa de ofertas de subministradores enerxéticos, preauditorias...

Os expertos de Zulux monitorizan todas as infraestruturas enerxéticas da comunidade, como iluminación, potencias, tarifas, revisión de piscinas…

Información en tempo real

O administrador pode consultar en tempo real a través dun clic toda a información completa e actualizada do seu sistema enerxético, con acceso a informes, lecturas horarias do consumo, etc. Ademais, ten á súa disposición un servizo de comunicación gratuíto para resolver dúbidas en calquera momento.